Avropa Şurası Konqresinin nümayəndə heyəti Azərbaycana seçki öncəsi səfər həyata keçirir

Avropa Şurasının Yerli və Regional Hakimiyyətlər Konqresinin nümayəndə heyəti Qaye Doğanoğlunun (Türkiyə) rəhbərliyi altında 23 dekabr 2009-cu il tairixində keçiriləcək bələdiyyə seçkiləri ərəfəsində Azərbaycana seçki öncəsi missiya ilə səfər edir.

7-8 dekabr 2009-cu il tarixlərində həyata keçiriləcək görüşlər zamanı nümayəndə heyətinin hökümət, müxalifət və seçki qurumunun nümayəndələri ilə, həmçinin Azərbaycanın Konqresdəki nümayəndə heyəti ilə görüşləri keçiriləcək. Səfər çərçivəsində Bakıda akkreditə olunmuş diplomatik ictimaiyyətin, həmçinin kütləvi informasiya vasitələri və qeyri-hökümət təşkilatlarının nümayəndələri ilə fikir mübadiləsi aparılacaq.

Nümayəndə heyətinin üzvləri:

Xanım Qaye Doğanoğlu (Türkiyə) – Nümayəndə heyətinin rəhbəri
Cənab Nigel Mermagen (Böyük Britaniya)  
Cənab İstvan Borbeli (Macarıstan)
Cənab Dobrika Milovanoviç (Serbiya)
Cənab Qudrun Mosler-Törnström (Avstriya)